Um tækið
Þráðlausa tækið sem er lýst í þessari handbók er samþykkt til
notkunar í GSM 850, 900, 1800, 1900 og UMTS 900, 2100
símkerfi. Þjónustuveitan gefur nánari upplýsingar um
símkerfi.
Tækið styður nokkrar tengingaraðferðir og eins og við á um
tölvur gæti það verið berskjaldað fyrir vírusum og öðru
skaðlegu efni. Fara skal með gát við meðhöndlun skilaboða,
tengibeiðna, við vefskoðun og við niðurhal. Aðeins skal setja
upp og nota þjónustu og hugbúnað frá áreiðanlegum aðilum
sem bjóða upp á nægjanlegt öryggi og vörn, líkt og Symbian
Signed hugbúnað eða hugbúnað sem hefur staðist Java
Verified™ prófun. Þú ættir að íhuga að setja
vírusvarnarhugbúnað og annan öryggishugbúnað upp í
tækinu og tölvum sem tengjast við það.
Í tækinu gætu verið foruppsett bókamerki og tenglar á
netsíður þriðju aðila sem gætu gert þér kleift að nálgast slíkar
síður. Þær tengjast ekki Nokia og Nokia leggur hvorki
stuðning sinn við þær né tekur ábyrgð á þeim. Ef þú nálgast
slík svæði skaltu huga að öryggi og efni.
Viðvörun: Við notkun allra aðgerða í þessu tæki,
annarra en vekjara, þarf að vera kveikt á tækinu. Ekki skal
© 2011 Nokia. Öll réttindi áskilin.
8
kveikja á tækinu þegar notkun þráðlausra tækja getur valdið
truflun eða hættu.
Við notkun þessa tækis skal hlíta öllum lögum og virða
staðbundnar venjur, einkalíf og lögmæt réttindi annarra,
þ.m.t. höfundarrétt. Varnir vegna höfundarréttar geta
hindrað afritun, breytingu eða flutning sumra mynda,
tónlistar og annars efnis.
Taktu öryggisafrit eða haltu skrá yfir allar mikilvægar
upplýsingar sem geymdar eru í tækinu.
Þegar tækið er tengt öðru tæki skal lesa notendahandbók
þess vandlega, einkum upplýsingar um öryggi. Ekki má
tengja saman ósamhæf tæki.
Myndir í þessum bæklingi kunna að líta öðruvísi út en á skjá
tækisins.
Aðrar mikilvægar upplýsingar um tækið er að finna í
notendahandbókinni.